اِنسان
آج کی صبح کچھ بدلی سی ہے۔ تھوڑی۔تھوڑی گرمی اور اُمس کا احساس ہو رہا ہے۔ موروں کی مَیاں۔مَیاں اور کویل کی کوو۔کوو بھی کچھ زیادہ شدید اور بے قرار معلوم ہوتی ہے۔ تیتر کا ایک جوڑا میرے سامنے چر رہا ہے۔ شائد آج بارِش ہونے والی ہے۔
میں ان پرندوں کی بے قراری اور شدّت کو اب پہچاننے لگا ہوں۔ مں۔مں۔مں۔مَیاں۔مَیاں۔مَیاں کی آوازیں موروں کی بے قراری ظاہر کرتی ہیں، جبکہ کویل ک۔ک۔ک۔کوو۔کوو۔کوو سے اپنی بے قراری عیاں کرتی ہے۔ چاروں طرف سے بس انہیں پرندوں کی آوازیں آ رہی ہیں۔ بیچ-بیچ میں مَینوں کی چوں۔چوں۔چُک۔چُک بھی سُنائ پڑ جاتی تھی۔ اِککا۔دُککا طوطے بھی ٹائں۔ٹائں کرتے سر سے گزر جاتے تھے۔ تیتر بھی پتّھروں کے بیچ سے کیڑے۔مکوڑوں کو اپنا خوراک بناتے پِٹ۔پِٹ۔ہاں۔پِٹ۔پِٹ۔ہاں کی تیز آوازیں نکال اٹھتے تھے۔ ان سارے پرندوں کی بیصبری، جوش اور اُمنگ اس بات کی شہادت دے رہے تھے کہ پانی اب دور نہیں ہے۔ مَینوں کا ایک جوڈا میرے پاس آیا اور سُکھے تنکوں کو چننے میں مصروف ہو گیا۔ شاید پانی آنے سے پہلے گھر کی پریشانی سے نِجات پا لینا چاہتے ہوں۔ سفید اور نیلے رنگ کی تتلیاں رنگ۔برنگی کاغذی پھولوں کی لتاوں سے کھیل رہی تھیں۔ ہوا کے جھوکوں کے ساتھ پھولوں کی سوکھی پتّیاں زمین پر گر آتیں مانو اپنا کام مکمل کر فخر سے اپنی زندگی کو خیرباد کہ رہی ہوں۔ ایک چھوٹی سی کالی چڑیا پھُدکتی ہوئ وہاں آ نکلی۔ اس سے پہلے یہ سوال میرے ذہن میں آتا کہ اسکا جوڑا کہاں ہے، ایک۔دو کیٹ۔پتنگوں کو اپنی چونچ میں اٹھا کر وہ اُڑ چلی اور سامنے املتاس کے پیڈ کی ڈال پر جا کر اپنے ننہیں۔ننہیں بچّوں کو کھلانے لگی۔ میں وہاں سے اٹھا اور اپنے گھر کی طرف کچھ یوں چل پڑا جیسے پانی کی ظرورت جسے ہو وہ اسکے آمد پر گیت گائں۔ مجھے کیا، میں تو اِنسان ہوں۔
|
